Tadtad ng tama ng bala | BANGKAY NG 15-ANYOS, 1 PA ITINAPON SA BAKANTENG LOTE

PINANINIWALAANG biktima ng extrajudicial killings ang dalawang lalaki kabilang ang isang 15-anyos kung saan nadiskubre ang kanilang bangkay sa isang bakanteng lote sa Bgy. Tubod, Minglanilla, Cebu.

Alas-3:00 ng madaling-araw ng Miyerkules nang matagpuan ang bangkay ng 20-anyos na si Ezekel Bijos at ang menor-de-edad na hindi pa matukoy ang pagkakakilanlan.

Ayon kay SPO3 Rangie Lopez, may mga napadaang kabataan na residente malapit sa kinatagpuan ng mga biktima ang nagbigay sa kanila ng impormasyon kaugnay sa pagkakatagpo nila ng mga bangkay.

Kapwa nagtamo ng mga tama ng bala ng baril sa ulo at katawan ang mga ito na sinasabing pinatay sa ibang lugar.