Karagdagang pondo para sa instructional material sa klasrum, dapat lang!

KUYA WIN GATCHALIAN / WIN TAYONG LAHAT

PARA sa kawili-wiling pag-aaral at mas madaling pagkakaintindi sa mga leksiyon na iti­nuturo ng ating mga guro, mahalaga ang creative skills sa pagtuturo.

Ang paggamit ng instructional materials o ang tinatawag na interactive educational ma­te­rials, mga elektroniks tulad ng computer, LCD projector, TV at iba pa ay ilan lamang sa pina­kamahalagang gamit para mas mauna­waan ng mga mag-aaral kung anuman ang nais nilang maibahagi sa kanilang mga estudyante.

Mahalaga ito upang makuha nila ang aten­siyon ng mga estudyante, makabuo sila ng tiyak na reaksiyong emosyunal at maging makato­tohanan ang mga imaheng kanilang nakikita. Base sa Cone of Experience ng Ame­rican edu­cator na si Edgar Dale, ang epekto sa pagka­karoon ng kagamitang panturo sa pagkatuto ng mga mag-aaral ay may mga porsiyento.

Halimbawa, kapag larawan, ang ginaga­mit sa pagtuturo ay 30% ng kaalaman ang nabu­buo sa kaisipan ng indibidwal. Sa pa­nonood naman ng video ay 50% ng karu­nungan ang kanyang nakakamit.

Habang ang impluwensiya sa pagbabasa ng mga aklat, chart, module at magazine ay 10% at 70% naman sa pagsulat at pagsa­salita.

Dahil sa pangangailangang ito, napipili­tang gumastos ang guro mula sa sarili nilang bulsa para lamang maitawid nang maayos at malinaw ang kanilang itinuturong leksiyon.

Sa kasalukuyan, tumatanggap ang mga guro ng P 3,000 chalk allowance ngunit, hin­di ito sapat. Responsibilidad ng gobyerno ang pagsisi­guro ng kalidad na edukasyon para sa lahat at kabilang na rito ang pagkakaroon ng epekti­bong pagtuturo at pag-aaral sa pamama­gitan ng pertinenteng kagamitang pangklas­rum.

Hangad natin ang kapanatagan ng loob at kaginhawahan sa trabaho ng mga magigiting na teacher kaya nakapag-akda tayo ng panu­kalang-batas na Instructional Mate­rials Al­lowance Act of 2016 o Senate Bill No. 907 kung saan imamandato na mag­karoon ng ta­unang tatlong libong pisong halaga ng allow­ance ang bawat public school teacher mula kindergarten hanggang basic education.

Sa halip na mag-abono ang guro sa pam­bili ng mga gamit, makatutulong ang dagdag na allowance upang mabawasan ang kanilang ala­lahanin kung kailan maibabalik ang ka­nilang inabonohan, kung paano nila pagka­kasyahin ang gastusin pampersonal at pang­trabaho at iba pang concerns.

Ilang grupo ng mga guro mula sa Metro Manila ang nagsadya sa ating tanggapan upang ipaabot ang kanilang pagsuporta sa nasabing panukala at umaasang maisasaka­tuparan ito sa lalong madaling panahon.

Sa ka­bilang banda naman ay nagpapasa­lamat tayo sa kanila dahil sa hindi nila pagsuko sa sinumpaang-tungkulin kahit anuman ang pagsubok na kanilang harapin ay patuloy pa rin nilang itinataguyod ang pag-unlad ng edu­kasyon sa ating bansa.

Ang mga guro ang puso ng karunungan. Ating tatandaan na ang pagtuturo sa mga mag-aaral ang pangunahing gawaing nakaatas sa mga guro at hindi ang pagsagot sa mga gas­tusing pang-eskuwelahan.

Oras na para matapos ang pagpasan ng mga guro, lalo na sa mga pampublikong pa­aralan sa mga bagay na hindi dapat nakaako sa kanila.

Higit sa lahat, ang maramdaman at mara­nasan na binibigyang-importansiya ang kani­lang boses at kapakanan ay tunay na maka­buluhan para sa bawat isa sa kanila.