Nakipagkampihan daw kay Claudine… HIRIT NI GRETCHEN: KRIS, GUSTO AKONG IPAPATAY SA PAMILYA KO

Anj Cabilla / PAK ANG GANAP!

MATAPOS sumagot ni Kris Aquino sa akusasyon ni Gretchen Barretto na inayos diumano niya ang tax ng kaibigan nilang negosyante na si Alice Eduardo para bumaba ang binayaran nito sa BIR, may resbak naman uli rito si La Greta at mukhang palaban talaga siya at ‘di papatinag sa Queen of All Media.

Sa post ni Gretchen noong Martes (January 21) ng gabi, pinanindigan niyang tinulungan talaga ni Kris ang businesswoman na si Alice Eduardo na mapababa ang kanyang binayarang tax sa BIR sa ilalim ng pamamahala ni Commissioner Kim Henares.

Ani Gretchen, “Want to see a classic example of a non-denial denial?

“Notice how shrewd and deceptive her divine lawyers are by qualifying that the Queen of All Fixers did not intervene for Alice in wonderland in any PENDING tax case.”

Dagdag pa niya, “Obviously, the sawsaw tax case happened during Miss Henares’ stint as BIR Commissioner, who also happens to be currently the Queen of All Fixer’s personal accountant.”

Matapos niyang banggitin ang isyu sa BIR, ikinuwento rin ni La Greta na tinawagan diumano ni Kris ang kanyang kapatid na si Claudine Barretto para pagtulu­ngan siya.

Aniya, “And what’s this I heard from inside her camp? She called up Claudine to tell my parents that she will file a case against me & put me to jail and asked them for help in destroying me. What is this, a tag team wrestling match? Can’t a “Queen” handle it herself?”

Matagal nang alam ng lahat na may alitang namamagitan kay Gretchen at sa kapatid niyang si Claudine, kaya ‘wag na tayong magtaka kung mahikayat man si Claudine na makipagtulungan kay Kris para sirain si Gretchen.

Ayon kay Gretchen, kung binantaan daw ni Kris si Nicko Falcis ng… “Ipapapatay ka ng pamilya ko,” ang version naman daw na ginamit ng Queen of All Media sa kanya ay “Ipapapatay kita sa pamilya mo.”

Aniya, “At least, si Nicko, she said ‘Ipapapatay kita sa pamilya ko.’ With me, she wants ‘Ipapapatay kita sa pamilya MO [punch emoji].’”

Tinawag din ni Gretchen na “Artecaria Queen” ang Queen of All Media.

Aniya, “And of course ARTEcaria Queen couldn’t help to look in the mirror and say she was previously a number one taxpayer. But why should we care about that when you helped fix Aliceinwonderland Eduardo hefty amount of taxes?”