Tibo nagpanggap na tserman, tiklo

HULI ang isang tibo na unang sinampahan ng kasong usurpation of authority matapos magpanggap na barangay chairman, kamakalawa sa Sampaloc, Manila.

Inaresto ng mga tauhan ng Manila Police District (MPD)-DPIOU sa kanyang bahay ang suspek na si Menchita Par, nasa hustong edad at nakatira sa Sampaloc, sa bisa ng warrant of arrest na inisyu ni Manila Metropolitan Trial sa Court Branch 12 Judge Anne Sia.

Kinasuhan si Par ng dalawang counts ng usurpation of authority ni Barangay Chairman Aniceta Co noong nakalipas na taon.

Dalawang beses na nagpanggap ang suspek na tserman ng Bgy. 526, Zone 52, sa Sampaloc.

Alas-5:00 ng hapon kamakalawa nang maaresto si Par ng mga tauhan ng MPD.

Inirekomenda naman ng korte ang P30,000 piyansa para sa pansamantalang paglaya ni Par.