SKATEBOARDERS, DIDAL AT MEANS PETMALU BILANG OLYMPIC QUALIFIERS

NAGPAKITANG-GILAS sina skateboarders Margielyn Didal at Christiana Means ng Team Go For Gold Philippines sa pagharap sa mga pagsubok na sinuong upang makuwalipika sa 2020 Tokyo Olympics.

Kapwa sila pumasok sa semifinal round ng Street League Skateboarding (SLS) World Championship na idinaos kamakailan sa Rio de Janeiro, Brazil, kung kaya malaki ang tsansa nila para sa Olympic quest. “Congratulations to both Christiana and Margie for making the semifinals in this prestigious tournament. Although we were not able to advance further, this is an important step in Olympic qualifying,’’ ayon kay Go For Gold godfather Jeremy Go.

Sila rin ang unang Pinoys na umangat sa SLS kung saan may 54 top skateboarders ang lumahok. Si Didal ang agad na sumikat nang masungkit ng Cebuana ang gold medal sa Asian Games sa Indonesia na nalagay sa 14th overall ng semis na may 20 points habang si Oregon-based Means ay nasa 22nd place sa 11.8 points.

“We know that with the right exposure and support, our athletes can improve further and we are happy to journey with them in their quest for gold,’’ ayon kay Go, vice president ng Powerball Marketing and Logistics Corp., ang umaayuda sa Go For Gold Program. Tanging walong skateboarders sa pangunguna nina Leticia Bufoni ng Brazil at Americans Mariah Duran at Lacey Baker ang umabanse sa Super Crown Final ng unang world qualifying meet para sa 2020 Olympics.