Lolo lasog sa van

BASAG ang bungo at lasog ang katawan ng isang lolo matapos mabundol ng van sa Maharlika Highway, Sitio Iringan, Bgy. Ibabang, Palsabangon, Pagbilao, Quezon.

Alas-6:30 ng gabi, minamaneho ni Jeorge Sabangan, 37, ng San Pedro, Laguna, ang van nang hindi nito napansin ang pagtawid ng biktimang si Gaudencio Merle, 67, residente sa nasabing lugar. Tumilapon ng ilang metro ang biktima kaya nabagok at nagtamo ng matinding pinsala sa iba’t ibang parte ng kanyang katawan.

Sumuko naman sa pulisya ang driver ng van na mahaharap sa kaukulang kaso.