Kung makatatanggap ng benepisyo ang naulila ng mga nagsisilbi sa eleksiyon

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta, Magandang araw! Mayroon bang matatanggap na benepisyo ang mga naulila ng namatay na nagsisilbi sa eleksiyon? —Trining

Dear Trining, Para sa inyong kaalaman, ang inyong katanungan ay tinatalakay sa Section 6 ng Republic Act No. 10756 o mas kilala sa tawag na “Election Service Reform Act” kung saan nakasaad na;

“SECTION 6. Other Benefits. – Persons rendering election service shall be entitled to death and/or medical assistance for election-related risks to be drawn from the trust fund provided in this Act.

(a) Death Benefits – The amount of Five hundred thousand pesos (P500,000.00) shall be awarded to the beneficiaries in accordance with the implementing rules and regulations of this Act. Such amount shall be reviewed by the Commission every three (3) years thereafter, but in no case shall the revised amount be lower than herein provided.

(b) Medical Assistance – Persons rendering election service shall be entitled to medical assistance in such amount as may be determined by the Commission, sufficient to answer for medical and hospitalization expenses, until recovery.” [Sinalungguhitan para bigyang-diin.]

Ayon sa nabanggit na probisyon ng batas, kung ang pagkamatay ng nagsilbi sa eleksiyon ay maikokonsidera bilang election-related, ang kanyang mga naulila ay makatatanggap ng halagang P500,000 bilang death benefit para rito.

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.

Maraming salamat sa inyong patuloy na pagtitiwala.