2 kelot dedo, 1 sugatan sa ambush
Pabs Hernandez III
Jan 22, 2019
1 min read
MAGUINDANAO—Dalawang lalaki ang namatay at isa pa ang sugatan nang tambangan at pagbabarilin sila ng mga hindi kilalang armadong salarin, kamakalawa sa Bgy. Macaguiling, Sultan Kudarat sa lalawigang ito.
Hindi pa nakikilala ang dalawang nasawi, samantalang, ang sugatan ay kinilalang si Nasser Sanday, nakatira sa Bgy. Nituan, Parang sa naturang lalawigan.
Ayon sa ulat, lulan ng motorsiklo ang mga biktima nang pagbabarilin sila ng mga suspek.
Iniimbestigahan na ng pulisya ang motibo ng mga suspek sa pamamaril sa mga biktima.
Comments