Solusyon sa trapik | TAX INCENTIVES SA MGA NEGOSYANTENG MAMUMUHUNAN SA LABAS NG METRO MANILA

BILANG solusyon sa lumalalang trapik sa Metro Manila at iba pang lungsod, nanawagan si dating Senate President Juan Ponce Enrile na magbigay ng insentibo sa buwis.

Ito ang manghihikayat sa mga negosyante na mamu­hunan sa labas ng Metro Ma­nila. Aniya, hindi magiging sapat ang pagdaragdag ng mga imprastruktura sa ila­lim ng programang ‘Build, Build, Build’.

Ang gagastusin umano sa pagbibigay ng mga in­sen­tibo sa buwis upang dumayo sa labas ng Maynila ang mga negosyante ay magiging mas mababa kumpara sa kasa­lukuyang ginagastos para sa dagdag na imprastruktura.