Rider sumalpok sa poste, dedbol

PATAY ang isang rider makaraang bumangga sa poste ng kuryente sa Pasay City.

Kinilala ang nasawi na si Crispin Dotimas Ramis, 38, ng Pitogo Gaudalupe, Ma­kati City, sanhi ng mga sugat sa iba’t ibang bahagi ng ka­tawan.

Ayon kay SPO3 Ricky Morillo, naganap ang insi­dente sa kahabaan ng C-5 Ex­tension, alas-3:15 ng hapon, kamakalawa.

Minamaneho ni Ramis ang kanyang motorsiklo at binabaybay ang silangang direksiyon ng C-5 Extension nang sumalpok ito sa kong­kretong poste.

Patuloy ang isinasaga­wang imbestigasyon ng pu­lisya sa na­sabing insidente.