Totoong giyera kontra tax evaders, kailan kaya?!
KAYA PALA MINUMURA AT INAALIPUSTA NI P-DUTERTE ANG DIYOS NG MGA KATOLIKO KASI ISLAM (MUSLIM) DAW SIYA—Sa harap ng mga Muslim sa Cotabato City ay sinabi umano ni P-Duterte na Islam (Muslim) daw siya at hindi Katoliko.
Ganu’n? Kaya naman pala wagas kung murahin, alipustahin at insultuhin ni P-Duterte ang kinikilalang Diyos ng mga Katoliko kasi Islam (Muslim) daw siya!
◘◘◘
KAILAN KAYA MAGKAKAROON NG TOTOONG LABAN ANG GOBYERNO KONTRA SA MGA TAX EVADER? — Ngayong araw ang laban ni Boxing Legend Sen. Manny “Pacman” Pacquiao kontra sa American boxer na si Adrien Broner at tulad nang dati, ibinibida na naman ng boksingerong pulitiko na ang laban daw niyang ito ay para sa bayan.
Sa totoo lang, mula nang maging pulitiko si “Pacman” at mabulgar na hindi ito nagbabayad ng tamang buwis sa pamahalaan ay laos na para sa mayoryang Pinoy ang ganyang statement niya, na kesyo ang laban daw niya ay para sa bayan.
Sa ngayon kasi, ang gustong mangyari ng publiko ay magkaroon ng totohanang laban ang gobyerno sa mga tax evader na tulad ni “Pacman”, period!
◘◘◘
KUNG MAY NANANALANGING MANALO SI “PACMAN”, MAY NANANALANGIN DING MATALO SIYA — Noong wala pa sa politika si Sen. Pacquiao, kada laban niya ay nagkakaisang nagdarasal ang buong sambayanang Pinoy na manalo siya sa boksing, pero mula nang maging pulitiko siya at maging ganap pang senador, hati na ang panalangin, may mga Pinoy na nananalangin na manalo siya at mayroon ding mga Pinoy na nananalangin na matalo siya sa boksing.
Ang matindi, sa social media ay may mababasang comment ng mga Pinoy na inis na sa pagiging pulitiko nito na hindi lang basta talo ang gusto nilang abutin nito sa boksing kundi gusto rin nilang ma-knockout si “Pacman”, boom!
◘◘◘
TUGUEGARAO POLICE, ‘NGANGA’ SA DROP BALLS AT ‘DICE 6-8’ — Ang raket daw na “drop balls” at “dice 6-8” ni “Balisi” ay malapit lang daw sa Tuguegarao City Police Station.
Kung totoo ito, lumalabas na “tutulug-tulog” pala sa pansitan ang kapulisan sa Tuguegarao City kasi may nanraraket na malapit sa kanilang presinto, hindi pa nila alam, mga buwisit!
Comments