PINOYS IGNACIO AT CHUA, NAAAMOY NA ANG TRONO SA WORLD CHINESE POOLMASTERS

HINDI nagpatinag ang mga Pinoy na cue ar­tists na sina Jeffrey Igna­cio ay Johann Chua sa rat­sada ng mga katunggali at ngayon ay nananati­ling malinaw ang daan tungo sa trono ng 7th World Chi­nese Poolmasters Grand Final sa Qinjuanh­dao Olym­pic Sports Center Stadium sa Hebei Pro­vince, China.

Maliban sa isang pag­katalo sa kamay ng Intsik na si Wan Tongle sa gitgi­tang 13-12, mainit si Ig­nacio at kitang-kita ito nang walisin niya sina Phone Myint Kyaw (13-7; Burma), Tang Chunxiao (12-11; China), Jorge Lla­nos (13-4, Argentina), Ameur Abdelati Riad (13-3; Morocco) at Xi Hongyu (13-6, China).

Samantala, naging bik­tima ni Chua, All Japan Champion, sina Aurelian Ungureanu ng Romania (13-5), Chinese Shi Weida (13-11), Moh Keen Hoe ng Malaysia (12-11) bago siya napuntusan ng Chi­nese gem na si Wang Yun sa iskor na 13-9.

Sa pagsasara ng home­stretch ng kompetisyong magkakaloob ng USD 147, 518 (RMB 1,000,000) at isang tropeo sa mag­kakampeon, karamihan ng mga may tsansa pa sa kam­peonato ay puro Chinese cue artists (siyam) at ta­nging sina Ignacio, Chua at ang Amerikanong si Shane Van Boening na lang ang natitirang had­lang sa tangka ng pu­nong-abala na maiuwi ng isang Intsik ang titulo. Su­sunod na bubunuin ni Ig­nacio si Sun Hongrui ng China, ang Intsik na si Yu Haitao ang susubok kay Chua samantalang ang bak­bakang Zheng Yubo-Boe­ning ang masasak­sihan.

May kabuuang 64 na piling manunumbok ang nagsimula sa torneo pero kasama sa mga nag-em­pake na ang mga kilalang personalidad tulad nina Jeffrey De Luna, one time Chinese 8-Ball king Gareth Potts ng England at ang mga Intsik na sina World Chinese 8-Ball no. 1 at no. 3 Zhang Kunpeng at Wan Tongle ayon sa pagkaka­su­nod-sunod.