PREDATOR POOL: ‘DODONG DIAMOND,’ ORCULLO AT ARANAS, MAAANGAS

NAGPATULOY ang angas ng mga bilyaristang Pinoy na sina Dennis “Ro­bocop” Orcullo at Zoren James “Dodong Diamond” Aranas sa 2019 World Pool Series Predator Grand Fi­nale sa Steinway, New York.

Itinumba ni Orcullo, pangalawa sa 2018 AZBil­liards Moneyboard si Mi­chael Yednak ng USA sa iskor na 11-2 sa bakbakan ng 10-Ball para mapanatili ang posisyon sa grupo ng wala pang talong mga bil­yarista kasama nina World 9-Ball king Joshua Filler ng Germany at World Pool Billiards Association (WPA) no. 1 Alexander Kazakis na pambato ng Greece.

Kasama sa mga nakati­kim ng bagsik ni Aranas, tinatayang susunod na ma­giging mukha ng Philippine billiards dahil sa pitong ko­rona na naiuwi niya noong 2018 (Music City Chal­lenge, Asian Culture Day 10-Ball, Maryland 9-Ball State Championships, Scot­ty Townsend Memorial, Annual Bobstock Billiards at Barry Berhmann Memo­rial Tourney) sina Petri Ma­konnen ng Finland (11-7) at ang Amerikanong si Mi­chael Leahy (11-1).

Bukod kina Orcullo at Aranas, nakakasabay pa rin sa lead pack dala ang walang mantsang kartada sina Darren Appleton (England), Thorsten Hohmann (Ger­many), Jayson Shaw (Scot­land), Eklent Kasi (Albania), Chris Melling (Great Bri­tain), Ruskin Chinahov (Rus­sia) at Denis Grabe (Estonia). Nasa one-loss bracket ang iba pang mga Pinoy na sina Carlo Biado, Daniel Dagotdot at Mhet Vergara katulad din nina Ralf Souquet ng Germany at Canadian gems Jason Klatt.