Kung kinakailangang magkaroon ng health certificate ang mga magtatrabaho sa canteen ng eskuwelahan

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Nag-apply ako bi­lang tagapagluto sa canteen ng eskuwela­han na malapit sa bahay namin, ngunit hindi nila ako tinang­gap dahil wala akong health permit. Tama ba ang kanilang ginawa? — Lucia

Dear Lucia,

Para sa inyong kaa­la­man, ang inyong kata­nungan ay tinatalakay sa Presidential Decree No. 856 o Code On Sanitation. Nabanggit sa nasabing batas na:

“Sec. 15. Health Certificates. - No person shall be employed in any food establishment without a Health Certificate issued by the local health authority. This certificate shall be issued only after the required physical and medical examinations are performed and immunizations are administered at prescribed intervals.” (Binigyang-diin)

Ibig sabihin, lahat ng empleyado ng food establishment tulad ng canteen ay kinaka­ila­ngang magkaroon ng health certificate na galing sa local health authority. Ang kawalan ng nasabing sertipikas­yon ay magsisilbing angkop na dahilan upang hindi matanggap ang nag-apply sa naturang establisimyento.

Nawa ay nasagot namin ang inyong kata­nungan. Nais naming ipaalala sa inyo na ang opinyong ito ay naka­base sa inyong mga naisalaysay sa inyong liham at sa pagkaka­intindi namin dito. Maa­aring maiba ang opinyon kung mayro­ong karag­dagang im­por­masyong ibibigay. Mas mainam kung personal kayong sasang­guni sa abogado.

Maraming salamat sa inyong patuloy na pag­titiwala.