Gustong ipahiram ang lisensiya bilang environmental planner para kumita

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Isa akong lisensi­ya­­dong environmental planner subalit, tumi­gil ako pansa­man­tala sa aking pagtatraba­ho. Maa­ari ko bang ipahiram ang professional iden­tification card ko sa environmental planning student para kumita ka­ming pare­ho habang hindi pa ako nagtatra­baho? — Harry

Dear Harry,

Para sa inyong ka­ala­man, ang batas na sumasaklaw sa inyong katanungan ay ang Section 21(g) ng Republic Act No. 10587 na mas kilala bilang “Environmental Planning Act of 2013” kung saan naka­saad:

“Section 21. Revocation or Suspension of the Certificate of Registration and Cancellation of Temporary/Special Permit. – The Board shall have the power, upon notice and hearing, to revoke or suspend the Certificate of Registration of a registered and licensed environmental planner or to cancel a Temporary/Special Permit granted to a foreign environmental planner, for the same grounds enumerated in Section 20 of this Act, except paragraph (c) hereof, and any of the following grounds: xxx

(g) Aiding or abetting the illegal practice of a nonregistered and unlicensed environmental planner by, among others, allowing him/her to use his/her Certificate of Re­gistration and/or Professional Identification Card or his/her Temporary/Special Permit; xxx”

Ayon sa nasabing batas, isa sa mga batayan sa pagkansela o pagsus­pinde ng certificate of registration ng rehis­trado at lisensiyadong environmental planner ay ang pagpapagamit ng kanyang certificate of registration o professional identification card sa indibidwal na walang lisensiya upang magpanggap na lisen­siyadong environmental planner. Labag sa batas ang inyong bina­balak na ipagamit ang inyong lisensiya sa environmental planning student sapagkat ta­nging mga lisensiya­dong environmental planner o may permit lang ang maaaring mag-practice ng nasabing propesyon.

Nawa ay nasagot namin ang inyong katanungan. Nais na­ming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkaka­intindi namin dito. Maaaring maiba ang opinyon kung mayro­ong karagdagang im­pormasyong ibibigay. Mas mainam kung personal kayong sasang­guni sa abogado.

Maraming salamat sa inyong patuloy na pagtitiwala.