8 sasakyan nagkarambola

SUGATAN ang isa ka­tao makaraan magkarambola ang walong sasakyan na nagdulot ng mabigat na da­loy ng trapiko sa Taguig City, ka­hapon ng umaga.

Sa ngayon ay patuloy na inaalam pa ang pangalan ng sugatang biktima na agad na­mang dinala ng rescue team ng Metropolitan Manila De­velopment Authority (MM­DA) sa pinakamalapit na os­pital.

Ayon sa ulat ng MMDA, kahapon ng alas-10:06 ng umaga nang mangyari ang aksidente sa southbound lane ng C5-Mckinley Road, Taguig City.

Nagkarambola ang isang 22-wheeler truck, tatlong kotse, pick-up, van, motor­siklo at bus.

Dahil sa aksidente, ang ilan sa mga sasakyan ang nag­patung-patong.

Ayon sa tagapagsalita ng MMDA na si Asst. Secre­tary Celine Pialago, may hi­nala sila na nawalan ng pre­no ang truck na nagresulta sa karambola.