Trabahador arestado | FOREMAN KINATAY SA DAYCARE CENTER

ISANG foreman ang dedbol matapos pagsasak­sakin ng kanyang trabahador sa loob ng daycare center na kanilang ginagawa kama­kalawa ng hapon sa Silang, Cavite.

Kinilala ang bikima na si Ricardo Silao, 51, may asawa, foreman, residente ng Bgy. Pulong Bunga. Arestado na­man ang suspek na si Ramil Cañeso, 33, construction wor­ker, re­sidente ng Bgy. Adlas.

Sa nakalap na ulat mula sa pulisya, alas-3:30 ng ha­pon, nag-iinuman umano ang biktima at suspek kasama ang iba pang mga trabahador sa loob ng daycare center na ginagawa ng mga ito.

Nagkaroon umano ng pagtatalo sa pagitan ng bik­tima at suspek.

Ikinapikon ito ng suspek na tumahimik lamang nang awatin ng kanilang mga ka­inuman.

Dahil sa kalasingan, na­katulog ang biktima sa upuan at dito na nakakuha ng pag­kakataon ang suspek saka pi­nagsasaksak ang biktima.

Matapos nito, tumakbo palabas ang suspek upang tumakas na nakita ni Marlon Gustilo, kapwa trabahador at nasaksihan ang pangya­yari kaya naaresto ang sus­pek.