Hired killer timbog

SINALAKAY ng mga awtoridad ang sinasa­bing miyembro ng gun-for-hire group sa Bgy. Laiya Aplaya, San Juan, Batangas.

Alas-5:45 ng hapon nang puntahan nila ang bahay ng suspek na si Antonio Robledo, kung saan bitbit nila ang search warrant na inisyu ng korte.

Hinalughog nila ang kabahayan at tumambad ang isang cal. 9mm pistol at mga bala.

Batay sa nakalap na impormasyon ng pu­lisya, ang suspek umano ay kabilang sa sindi­katong VINO Group na nag-o-operate sa Batan­gas at maging sa karatig-lugar.

Naghahanap pa ng ibang ebidensiya na magpapatunay sa mga iligal na gawain ng suspek habang nasa kustodiya siya ng San Juan, Batangas Police Station.