Pinahoholdap at pinapapatay sa mga tambay | OBISPO KAY P-DU30: KUNG MATAPANG KA, MAGLAKAD KA MAG-ISA

BINUWELTAHAN ni Novaliches Bishop Emeri­tus Teodoro Bacani, Jr. si Pangulong Rodrigo Duterte matapos manawagan sa mga tambay na holdapin at pa­tayin ang mga Obispo na kanilang makikita sa kalye.

Hamon naman ni Bacani kay Pangulong Duterte, ga­yahin ang mga Obispo na nag­lalakad nang walang armas at walang bodyguards sa mga ordinaryong lansangan.

Giit ni Bacani, kung ta­lagang matapang ang pa­ngulo, maaari niyang subu­kan ang ginagawa ng mga Obispo na maglakad sa lan­sangan nang walang anu­mang pag-aalinlangan.

“Alam n‘yo kaming mga Obispo naglalakad kami, wala kaming bodyguard, wala kaming bullet-proof vests, wala kaming mga security aid na nakapaligid na marami, wala kaming dalang baril, ganu’n kami.Ang challenge ko kay Pre­sident Duterte kung tala­gang matapang siya, simple lang, gawin niya ‘yung gi­nagawa namin,” pahayag ni Bacani sa panayam ng Church-run Radio Veritas.

Hindi naman na bago para kay Bacani ang naturang ‘biro’ ng pangulo laban sa Simbahan, mga Obispo, mga pari at pananampalatayang Katoliko.