Mga kriminal wala nang takot — DILG | BITAY, NAPAPANAHON NA

TAHASANG ipinun­to ni dating DILG Sec. Rafael M. Alunan III na ang mga kriminal ngayon ay wala nang kinatata­kutan dahil ang batas na­tin ay wala nang bangis.

Partikular na tinukoy nito ang mga kaganapang krimen lalo na ang naging pa­mamas­lang sa bowling coach na dating gold me­dalist noong 1992 World Youth Cham­pionship na si Angelo Na­thaniel Cons­tantino sa isang bowling center sa Greenhills, San Juan City ni­tong Bi­yer­nes.

“A culture of impunity has gripped society. Our laws are either obsolete, weak or toothless. Justice is either delayed or de­nied,” ani Alunan.

Ipinunto nito na ang batas sa kriminalidad at te­rorismo tulad ng Revised Pe­nalty Code at ang Hu­man Se­curity Act ay da­pat ma­pa­lakas at pabiga­tin ang mga sentensiyang kaparusa­han sa iba’t ibang krimen.

Sa crimes against hu­ma­nity tulad ng murder, drugs, terrorism, plunder, ecologi­cal destruction at human trafficking ay ka­ila­ngan aniya na muling ibalik ang bitay o ang death penalty.