Kung maaaring mag-produce ng kopya ng libro ang library kahit walang authorization galing sa may-ak

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Mayroong libro sa silid-aklatan ng pa­aralan namin na malapit nang masira. Hindi makabili ang library namin ng ba­gong kopya nito sa­pagkat bihira lamang ang nagbebenta nito. Maaari bang library na lamang namin ang mag-reproduce ng kopya ng nasabing libro sa pamamagitan ng pagpapa-photocopy nito para maiwa­san ang tuluyang pagkasira nito? — Jay Christopher

Dear Jay Christopher,

Para sa inyong kaalaman, ang batas na nakasasaklaw sa inyong katanungan ay ang Section 188.1 ng Republic Act (R.A.) No. 10372 o mas kilala sa tawag na Intellectual Property Code of the Philippines kung saan naka­saad na:

“188.1. Notwithstanding the provisions of Subsection 177.6, any library or archive whose activities are not for profit may, without the authorization of the author of copyright owner, make a single copy of the work by reprographic reproduction:

a. Where the work by reason of its fragile character or rarity cannot be lent to user in its original form;” (Binigyang diin)

Samakatwid, maaa­ring mag-produce ng kopya ng nasabing libro ang silid-aklatan ng inyong paaralan kahit na walang authorization galing sa may-akda nito dahil ang nasabing libro ay malapit nang masira at bihira na lamang ang nagbebenta ng kopya nito.

Nawa ay nasagot namin ang inyong kata­nungan. Nais naming ipaalala sa inyo na ang opinyong ito ay naka­base sa inyong mga naisalaysay sa inyong liham at sa pagkaka­in­tindi namin dito. Maaa­ring maiba ang opinyon kung mayroong karag­da­gang impormasyong ibibigay. Mas mainam kung personal kayong sasangguni sa abogado.

Maraming salamat sa inyong patuloy na pagtitiwala.