Kawatan nanlaban, utas sa parak

PATAY ang umano’y notoryus na magnanakaw matapos manlaban sa kapulisan sa Maharlika Highway, Bgy. Ilayang Iyam, Lucena City, Quezon.

Batay sa imbestigasyon, alas-12:30 ng hatinggabi, isang tawag ang natanggap ng pulisya kaugnay sa nakawang nangyayari sa Colmax Hardware.

Agad silang kumilos at pinuntahan ang lugar kung saan naabutan nila ang suspek na si Jeric Aureada, 35, ng Bgy. Dalahican.

Akmang huhulihin nila ito nang bumunot umano ng baril saka nagpaputok sa kanila dahilan ng pagganti ng mga awtoridad na ikinamatay nito. Narekober sa insidente ang kalibre .38 na baril, cutter sa bubungan at isang sachet ng pinatuyong marijuana.