57 PTS. NI HARDEN, GUMANA, MITCHELL NG JAZZ, MALAKAS

NAGPASABOG si James Harden ng season-high 57 points nang makapagpa-detonate ang Houston Rockets sa unang laro kahit wala si center Clint Capela ay nagawa pang humabol sa second half sa bisa ng 112-94 victory laban sa napanganga na lang na Memphis Grizzlies sa NBA game kahapon.

Naitala ni Harden ang ika- 17 niyang sunod na 30-point game, ang pinakamahabang streak mula nang magawa ito ni Wilt Chamberlain sa 20-game run noong 1964.

Isang araw bago ang laro ay na-injured si Capela sa kanang hinlalaki, kaya binalikat ni Harden ang laro. Dumagdag siya ng 9 rebounds at 2 nakaw upang bitbitin ang Rockets sa panalo.

Sa iba pang laban, umiskor si Donovan Mitchell ng 28 puntos, may 18 si Rudy Gobert para pangunahan ang Utah Jazz sa 100-94 victory kontra Detroit Pistons sa Salt Lake City.

Tumabo si Kyle Korver ng 19 points para sa Utah habang si Joe Ingles ay may 13 points. Naka-4th win ang Jazz sa kabila ng 17 turnovers. Nagtala si Blake Griffin ng 19 habang si Andre Drummond ay may 15 points at 13 rebounds sa Pistons na natalo ng 8 beses sa 10 laro. (ATD/MC)