RIDHWAN KONTRA AMBUNDA, TAMPOK SA RINGSTAR WBC SILVER FEATHER FIGHT

@ringstarboxing

ITATAMPOK ng Singapore-based, sports media and entertainment company na Ringstar Boxing ang may 12 featured fights ngayong taon ng 2019 na sisimulan sa Marso 9, Biyernes na idaraos sa Singapore Indoor Stadium kung saan ang main event ay itatampok ang inaabangang rematch sa pagitan ng Singapore best-ever boxer, Muhamad Ridhwan (11- 1, 8 KOs) at Namibian veteran Paulus Ambunda (27-2, 11 KOs) para sa WBC Silver Featherweight title.

Kabilang sa co-main events ay ang All-Filipino fight nina IBO Bantamweight champ, Michael “Gloves On Fire” Dasmarinas (28-2-1, 19 KOs) at ni Kenny “Big Heart” Demecillo (14-4-2, 8 KOs) para sa IBF World Title Eliminator at ang laban nina Thai-New Zealander, Nort Beauchamp (17-2, 3 KOs) kontra rising Indonesian sensation, Defry Palulu (20-2- 1, 13 KOs) para sa WBC Asia Super Featherweight title.

May nakatakdang apat na 4-round bouts, kabilang na ang women’s match sa pagitan nina Singapore promising star Efasha Kamarudin (2-0, 2 KOs) at Indonesia’s top ranked Febryanti Lubin (1-3).

Ito ang ika-6th promotion ng Ringstar mula 2017 at una sa tatlong laban sa Singapore ngayong taon na ang iba ay nakatakda sa Hulyo at Disyembre at ang 4th show ay nakaplano sa Malaysia sa Oktubre.

Para sa March fight card, ang fans ay bibigyan ng iba pang impresibo at exciting fights mula sa boxers ng Asia-Pacific. (MC)