Utol at pamangkin ni Echegaray, huli sa droga

DINAKIP ang anim na hinihinalang tulak at gu­ma­gamit na iligal na droga ka­bilang ang kapatid at mga pamangkin ng rape convict at nabitay na si Leo Eche­garay.

Kasunod ito ng inilunsad na buy-bust operation ng Masambong Police Station sa Bgy. San Antonio alas-12:30 ng hatinggabi kaha­pon.

Kinilala ni Police Supt. Rodrigo Soriano ang mga naaresto na sina Noel Eche­garay, 49, kapatid ni Leo; mga pamangkin na sina Norman, 30, at Jonathan Echegaray, 19; gayundin ang mga ka­samahan na sina Maribel Ruxil, 40, at Herbert Juilon, 20, pawang mga residente ng Bgy. San Antonio.

Isang police asset ang nagbigay ng impormasyon sa pulisya tungkol sa uma­no’y ginagawang pagtutulak at paggamit ng droga ng mga suspek kaya agad na ikinasa ang operas­yon laban sa ka­nila.

Nasamsam ng mga aw­toridad mula sa mga suspek ang drug paraphernalias, 8 sachets ng hinihinalang shabu at P500 buy-bust mo­ney.