Dahilan ng pagkakaroon ng napakaraming taghiyawat
Dear Doc. Shane, Ako ay 16 years old, gusto kong malaman kung bakit sa tuwing daratnan ako ng aking buwanang dalaw ay nagkakaroon ako ng maraming taghiyawat? Normal lang ba ito kasi ang iba kong kaibigan ay hindi naman ganito? — Annie
Sagot Ayon sa mga dermatologist, normal lang ang pagkakaroon ng taghiyawat sa babae kapag mayroon itong buwanang dalaw (menstruation) dahil sa pagtaas ng testosterone sa katawan.
Paliwanag nila, sa unang bahagi ng 28 days cycle ng menstruation, ang estrogens ang mataas at progesterone naman sa ikalawang bahagi pero, kapag malapit na ang pagdating ng buwanang “dalaw”, ang antas naman ng testosterone [male hormone] ang tumataas at ito ang dahilan para maging oily ang skin ng babae at nagdudulot ng taghiyawat.
Iwasan lang na kutkutin ang mga taghiyawat, gayundin, pinapayuhang magpakonsulta sa dermatologist upang mabigyan ng mas angkop na payo tungkol sa mga nararapat na ipahid dito para hindi ito lumala.
Comments