4 dedbol sa trike, van at motor

APAT katao kabilang ang isang batang babae ang nasawi sa magkakahiwalay na aksidente sa kalsada sa San Mariano, Isabela.

Unang sinalpok ng tray­sikel ang motorsiklo na mi­namaneho ni Erickson Taga­pan sa national highway na sakop ng Bgy. Minanga.

Nag-overtake umano ang traysikel kung saan natum­bok nito ang kasalubong na motorsiklo kung saan sa tindi ng pagkakabangga ay tumi­lapon sa kalsada si Tagapan maging ang kanyang angkas na misis at apat na taong gulang nilang anak na babae.

Agad binawian ng buhay ang bata dahil sa tinamong head injury habang nasuga­tan ang kanyang mga magu­lang. Nagtamo rin ng sugat ang 3 menor-de-edad na pasahero ng tricycle.

Inaresto ang tricycle dri­ver na si Erickson Magudda­yao na sinampahan ng rekla­mong reckless imprudence resulting in homicide, mul­tiple physical injuries at da­mage to property.

Nakaparada naman sa national highway ng Bgy. San Pedro-San Pablo sa Au­rora ang dalawang tricycle nang salpukin ito ng close van.

Nasawi ang mga driver na sina Danilo Ancheta at Manny Balaba, habang su­gatan ang isang pasahero na si Rolly Wania Vino.

Sa imbestigasyon, na­pag-alaman na nakaidlip umano ang driver ng van na si Gregorio Tolentino, 54, tubong Pampanga.

Hindi naman nasaktan ang 2 niyang pahinante. Hu­webes ng umaga nang maak­sidente rin ang 72-anyos na si Amante Co sa national high­way ng Bgy. Ipil, Echague, Isabela.

Ayon sa pulisya, maa­aring hindi napansin ng bik­tima ang mga palatandaan sa ginagawang kalsada kaya sumalpok ang kanyang mo­torsiklo sa naturang cons­truction site.

Nadala pa si Co sa ospi­tal pero, idineklara itong dead-on-arrival sa ospital.