Kaugnay ng $81-M nakaw na pera | RCBC MANAGER, GUILTY!

HINATULANG guilty ng Makati Regional Trial Court (RTC) Branch 149 sa kasong money laundering si dating RCBC-Jupiter Branch Manager Maia Santos-De­guito.

May kaugnayan ito sa $81 million na nakaw na sa­lapi mula sa Bangladesh Bank na idinaan sa RCBC Jupiter Branch.

Partikular ang over-the-counter withdrawal ng $14.3 million na bahagi ng $81 million na laundered fund.

Sa 26 pahinang desisyon na pirmado ni Judge Cesar Untalan, nakasaad na may sapat na basehan para idiin sa kaso ni Deguito sa walong counts ng money laundering na isinampa ng Department of Justice (DoJ).

Pinatawan ng apat hang­gang pitong taong pagka­ka­kulong si Deguito at mul­tang $109,520,044.

Matatandaang, una nang naabsuwelto sa kasong kri­minal ang Philrem Service Corp. at dahil dito, tanging si Deguito na lamang ang na­titirang akusado sa naturang kaso.

February 16, 2016 nang ma-hack ang Bangladesh Bank at ang $81 million na pondo nito ay napunta sa Pi­lipinas sa pamamagitan ng payment instruction na na­tanggap ng Federal Reserve Bank of New York.