Sa mga GGSS d‘yan, read n‘yo, ‘to! PAGSE-SELFIE, BAD SA HEALTH!

Donna Thea Topacio / Gulat ka 'noh?!

SELFIE rito, selfie roon, ito ang isa sa mga ma­dalas gawin ng karamihan dahil sa nakaaaliw na ‘selfie filters’ o dahil gusto lang talaga nilang kumuha ng mga litrato. Pero, mga lodi, knows ba ninyo na ang labis na pagse-selfie ay bad sa health? Weh, ‘di nga?

Ayon sa mga eksperto, ang labis na pagse-selfie ay ma­aaring maging dahilan ng pagkakaroon ng hindi magandang kondisyon sa nerve. Tinatawag itong ‘selfie wrist’ kung saan nakararanas ng pamamanhid at pagkirot sa wrist o bandang pulso ang si­nu­mang may­roon nito.

Ayon kay Dr. Levi Har­rison, ortho­pedic sur­geon, mara­ming pas­yente na ang nakitaan niya ng nasa­bing kondis­yon na maihahalintulad niya sa Carpal Tunnel Syndrome.

Bagama’t, patok na patok at mas accessible na umano ang mga photo-editing technology, maaari pang tumaas ang bilang ng mga tao na mayroong ‘selfie wrist’.

Ang Carpal Tunnel Syndrome ay nangyayari kapag ang median nerve ay napisil kaya nagkakaroon ng pamamanhid o pagkirot, gayundin ang labis na pagkuha ng litrato o pagse-selfie ang dahilan kung bakit nati-trigger ang pagkakaroon ng Carpal Tunnel Syndrome.

Iba’t ibang pag-aaral ang nagpatunay na ang labis na pagkuha ng selfie ay mayroong hindi magandang epekto sa indibidwal.

Noong July 2018, isang pag-aaral mula sa All India Institute of Medical Sciences ang nakapagpatunay na 250 katao mula sa iba’t ibang panig ng mundo ang namatay habang nagse-selfie mula noong October 2011 hanggang November 2017.

Samantala, August 2018 nang napag-alaman ng mga researcher mula sa Boston Medical Center na ang selfie filters ay nagbibigay ng mindset sa mga kabataan na magpa-plastic surgery dahil pinagaganda nito ang kanilang mukha.

Sa ganu’ng paraan, naeengganyo ang mga kabataan na lalo pang mag-selfie.

Ayon sa mga eksperto, hindi nila ipinagbabawal ang pag­se-selfie o paggamit ng cellphone, ngunit, kapag nakaranas ng pamamanhid at pagkirot sa bandang pulso, inirerekomenda ng mga ito na dahan-dahang ipaikut-ikot habang nakabukas ang mga kamay o kaya ay i-wave ang mga kamay sa loob ng ilang minuto.

Samantala, upang maiwasan ang nasabing karamdaman tuwing magse-selfie, mabuting gumamit ng selfie, stick, ayon sa mga dalubhasa.

Oh, ayan mga beshy, hindi masamang mag-selfie pero hinay-hinay lang, ha? Huwag ninyong kalilimutang gawin ang exercise na inirekomenda ng mga eksperto upang maiwasan ang pagkakaroon ng ‘selfie wrist’.

Okie?