RAMOS, PLAZA, LAGON AT ANG SA PITMASTERS CUP

LALAHOK ang limang promoters ng “2019 World Pitmasters Cup 9-Cock In­ternational Derby” na sina Mr. Charlie “Atong” Ang, Sonny Lagon, Mr. Gerry Ra­mos, Eddiebong Plaza at Mr. RJ Mea kasama ang iba pang kilalang pangalan sa industriya ng sabong sa pi­nakahihintay na big-time derby ng taon na gaganapin ngayong Enero.

Ito ay gaganapin sa Newport Performing Arts Theater, Resorts World Ma­nila mula Enero 17 hanggang 26, maglalaban-laban ang mga kasali para sa premyo na 15,000,000 piso at tro­peyo.

Maliban sa P88,000.00 pot money at hindi bababa sa P55,000.00 na pusta at pinapayagan ding lumahok ang mga binabaeng pana­bong sa arsenal ng kanilang “fighting cocks”. Gaganapin sa Enero 17 at 18 ang “2-Cock Elims” kasunod ng isang araw na pahinga.

Gaganapin sa Enero 20 ang “USA vs. Philippines 25-Cock Main & 6-Cock Big Event”. Ipapatalastas din sa naturang event ang nalalapit na laban nina Pacquiao at Broner. Ang “3-Cock Semis (Set A & B )” ay magaganap sa Enero 21 at 22 kasunod muli ng isang araw na pa­hinga.

Darating ang “4 Cock Pre-Finals (3 & 3.5 points) sa Enero 24. Pagpapa­hi­ngahin ang mga panabong ng Enero 25. Ang engrandeng “4-Cock Grand Finals (4, 4.5 & 5 points) ay gaganapin sa Enero 26.

Pinangungunahan ni Ang. Lagon, Ramos, Plaza at Mea at sa tulong ni Mr. Eric Dela Rosa ng Thunder­bird, VNJ, Thor, Experto at BMEG ang pag-spon­sors ng event katuwang ang Resorts World Manila. (MC)