27 drug lords, pulitiko | HIRED KILLER UTAS SA ENGKUWENTRO

NAPATAY ng pulisya sa isinagawang operasyon ang isang lalaki na uma­no’y hired killer sa Laguna, ka­hapon ng umaga.

Kinilala ang nasawi na si Ruel de Chavez, tubong Sa­riaya, Quezon na lumipat sa kanyang tinutuluyang hide­out sa Bgy. Paciano, Bay, Laguna.

Ayon kay Quezon Pro­vincial Police Office Director Sr. Supt. Eleazar Matta, ma­tagal na umanong tinutugis ng mga awtoridad si De Chavez dahil sa umano’y pagpatay nito sa nasa 27 personalidad sa Batangas at pagbebenta ng shabu.

Karamihan umano sa mga biktima ng itinuturing na hitman ay pawang illegal drug personalities at pulitiko na kinokontrata nito.

Ani Matta, natiyempu­han si De Chavez ng pinag­samang puwersa ng Pro­vincial Intelligence Branch, Provincial Mobile Group, Provincial Drug Enforcement Unit at Bay Municipal Po­lice station sa isang inilatag na anti-drug bust operation sa Bgy. Masaya alas-8:00 ng umaga.

Rito lumalabas sa im­bestigasyon na si De Chavez ay miyembro ng Batang Kubo o Bantugon Gun for Hire Syndicate na kumikilos sa malaking bahagi ng Ba­tangas at Quezon.

Target umano ng grupo ni De Chavez sa paglikida sa mga kalaban ng ibang ille­gal drug group at maging sa ilang mga pulitiko sa lugar na kinokontrata rin ng ilang pu­litiko sa iba’t ibang lugar sa Laguna, Batangas at Quezon kaugnay sa darating na 2019 elections.

Hindi na naibahagi ni Matta ang mga pangalan ng mga personalidad na napa­tay ni De Chavez.