Tulak nanlaban, todas
Levi Gonzales
Jan 8, 2019
1 min read
NANLABAN umano bago napatay ng kapulisan ang isang notoryus na tulak ng droga sa Bgy. San Gabriel, San Pablo City, Laguna.
Alas-4:35 ng hapon nang ikinasa ng mga awtoridad ang buy-bust operation laban sa suspek na si Rodel Lacerna.
Nakabili mula sa suspek ng isang pirasong plastic sachet ng hinihinalang shabu.
Nakatunog umano ito na pulis ang kanyang kausap hanggang sa bumunot ng baril at ipinutok sa kanila dahilan naman ng pagganti ng mga awtoridad.
Duguang bumulagta ang suspek na naging dahilan ng kanyang kamatayan saka narekober ang ilan pang pakete ng hinihinalang shabu at baril na ginamit nito.
Comments