Misis timbog sa droga

KULONG ang 44-anyos na misis matapos maaresto ng mga awtoridad sa iligal na droga sa Navotas City.

Kinilala ni Navotas Maritime Police Station Head Supt. Marlo Kamatoy ang naarestong suspek na si Emely Montes alyas Diding, ng Bgy. NBBN.

Sa imbestigasyon ni SPO2 Ernesto Ravanera, Jr., ala-1:30 ng madaling-araw, nagpapatrulya ang mga tauhan ng NMPS sa pangunguna ni SPO2 Manny Vidal sa kahabaan ng Palengeke St. NFPC nang mapansin ng mga ito ang isang lalaki na may iniabot na plastic sachet kay Montes.

Nang mapansin ng lalaki ang presensiya ng mga pulis, mabilis itong tumakas habang nadakip naman si Montes at narekober sa kanya ang plastic sachet na nag­la­la­man ng hinihinalang shabu.