Year of the Pig ngayon, taon ng mga masiba sa pork barrel
KAPAG NAGKLIK ANG PELIKULA NI ‘BATO’, SURE WIN SIYA SA PAGKA-SENADOR, PERO KAPAG NAG-FLOP, TALO SIYA—Ang pagsasapelikula sa buhay ni ex-PNP Chief Gen. Ronald “Bato” dela Rosa na pagbibidahan ni Robin Padilla ang magiging batayan kung mananalo o matatalo siya sa eleksiyon.
Kapag nagklik, sure win siya sa senatorial election, pero kapag nag-flop, awtomatik, talo na siya, period!
◘◘◘
YEAR OF THE PIG, TUGMA SA ‘PORK’ NG MGA MAMBABATAS—Year of the Pig ngayong 2019. Naku, hindi kaya maging dahilan ito para mas lalong tumiba sa pork barrel ang mga mambabatas?
Tugmang-tugma kasi ang Year of the Pig sa “pork” ng mga lawmaker, buwisit!
◘◘◘
TROPANG SOTTO, DEDMA LANG SA KABALBALAN NI SEC. DIOKNO—Sabi ni Senate President Vicente ‘Tito’ Sotto III ay wala raw plano ang Senado na paimbestigahan ang mga ibinulgar ni House Majority Floor Leader, Camarines Sur Rep. Rolando Andaya, Jr. tungkol sa bilyun-bilyong flood control scam na kinasasangkutan ni Budget Sec. Benjamin Diokno at sa P551 milyon “projects” na ipinagkaloob din ng budget secretary sa kumpanya ng kanyang manugang at balae.
Siguro, takot si Sotto at mga katropa niyang senador na tanggalan sila ni Diokno ng “pork” kaya dedma na lang sila sa mga ginagawa nitong kabalbalan sa kaban ng bayan, pwe!
◘◘◘
BALIK-RAKET SI JUETENG LORD ‘MILLORA’ SA PANGASINAN—Balik-operasyon daw ulit ang pa-jueteng ni “Millora” sa Pangasinan.
Ibig sabihin, tuloy na naman daw ang gagawing panraraket ni “Millora” sa mga residente ng Pangasinan, buwisit!
Comments