Bgy. secretary todas sa riding-in-tandem

BINARIL ng ilang ulit hanggang sa mapatay ang babaeng barangay secretary ng riding-in-tandem sa Pasay City, kamakalawa ng hapon.

Kinilala ang nasawi na si Jackielyn Antonio y Santos, kalihim ng Bgy. 124, Zone 14.

Base sa ulat ni Pasay City Police Chief Senior Supt Noel Flores, naganap ang pa­mamaril sa biktima sa tabi lamang ng barangay hall.

Habang nakatayo si An­tonio sa tabi ng bgy. hall nang sumulpot ang riding-in-tan­dem at agad na bumaba ang angkas bago pinagbabaril ang biktima.

Agad tumakbo ang gun­man pabalik sa naghihintay na kasabwat na siyang nag­maneho sa motorsiklo patu­ngong Aurora St.

Dinala ang biktima sa na­turang pagamutan pero, idi­neklarang dead-on-arrival ni Dr. Darius Cruz, attending physician.