Mga tagapayo sa palasyo, mahihina ang kukote?! Hmmm...

KA AMBO / BISTADO

WALANG kongkretong solusyon ang gobyerno para mapababa ang presyo ng mga bilihin.

Kasi ang solusyon ng gobyerno ay mag-import ng mga produkto para du­mami ang suplay!

◘◘◘

Malaking mali ang pag-import ng mga produkto.

Solusyon ‘yan ng mga ehekutibong mahina ang sentido-komon.

Hindi lahat ng pagpa­parami ng suplay ay mag­papababa ng presyo!

◘◘◘

Mababaw ang pang-unawa ng mga kolokoy sa tinatawag na “law of supply and demand”.

Applicable lamang ito kapag ang suplay ay mag­mumula kung saang lu­gar mismo kinakapos ng suplay!

◘◘◘

Pero, kapag pararamihin ang suplay gamit ang dol­yares bilang pang-import, kataran­taduhang solusyon ‘yan.

‘Yan ay solusyon ng mga mangmang sa pama­halaan!

◘◘◘

Gamit din ang “law of sup­­ply and demand”, maka­lilikha ng “demand sa dolyar” ang ekonomiya ng Pilipinas.

Kapag nagkaroon ng demand sa dollars, babag­sak ang halaga ng piso na siyang aktuwal na narara­nasan ngayon!

◘◘◘

Malinaw na mahina ang kukote ng mga tagapayo sa Malacañang.

Sa ngayon, malinaw na may krisis sa pamahalaan.

Ito ay ang kakapusan ng “utak” ng mga economic manager!

◘◘◘

Kung ang ipambibili ng suplay ay piso rin, maaaring makatulong ang pag-angkat ng suplay o produkto.

Halimbawa, kapos sa suplay ang Luzon, puwe­deng umangkat mula sa Visayas at Mindanao—ga­­­mit ang piso bilang pam­bili!