Mga “epalitiko” na naglagay ng posters para sa Pista ng Nazareno, lagot!

RYAN B. SISON / BOSES

“HAPPY fiesta”, ganito ang pagbati na nakalagay sa posters ng ilang mga “epalitiko” na sinamahan pa ng ka­nilang mukha sa kahabaan ng Quezon Boulevard sa Quiapo, gayundin sa rutang daraanan ng Poong Itim na Nazareno.

Gayunman, ang mga poster at tar­paulin ay maaaring makasagabal sa gaganaping Traslacion 2019 kaya binalaan ng Simbahan ang mga ta­takbong kandidato na huwag sanang gamitin ang okasyon para sa nalalapit na eleksiyon.

Ito ay banal na pagdiriwang kaya hindi dapat ito hinahaluan o ginaga­mit para sa pangangampanya.

Ayon sa Simbahan, babaklasin ang mga poster, lalo na kung ito ang ma­giging dahilan para may maaksidente o madisgrasya na mga deboto dahil paniguradong dagsaan ang mga tao sa Enero 9, 2019 para rito.

Bagama’t, hindi masamang bumati o magbigay ng mensahe para sa pag­diriwang, pinaaalalahanan natin ang lahat na kung masasayang lang din naman ang mga idinikit na poster da­hil babaklasin ito para sa pagha­handa, huwag na lang sanang ituloy o sa ibang paraan na lamang iparating ang pag­bati, gayundin na hintayin na lamang ang campaign period.

Bukod pa rito, halos lahat sa mga ito ay gawa sa plastik na masama para sa kalikasan kaya hindi talaga ito ma­kabubuti para sa lahat.

Samantala, panawagan natin sa mga deboto, mag-ingat nang sa gayun ay hindi mapahamak!

VIVA, JESUS NAZARENO!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.