Karunungan ng nakaraan, nagpapakita ng liwanag ng katotohanan

FR. ROBERT P. REYES / KAPAAYAPAAN

ANO ang ibig sabihin ng pista ng Tatlong Hari, bakit tinatawag ding Epipaniya ang naturang kapistahan? Epi­paniya o ang pagpa­pa­kita ng Diyos ang tunay na pangalan ng pista sa unang linggo pagkatapos ng Pasko. Hinanap ng 3 pantas ang da­kilang sanggol na ipinanga­ko ng mga propeta. Sinundan nila ang isang bituin na ituturo ang tahanan ng sanggol. Iti­nuro nito ang sabsabang tinu­tuluyan nina Hesus, Ma­ria at Jose nang makita ng tatlong pantas ang sanggol, nagbigay-puri ang mga ito sa Pangi­noon at naghandog sila ng kani-kanilang regalo.

Ayon sa propeta, ang bi­tuin, Tatlong Hari, sabsaban, pamilya at sanggol ang anim na sangkap na maaaring mag­bigay sa atin ng pang-unawa sa pagpapakita ng Pangi­noon.

Una, palaging pinag-a­aralan, pinagninilayan at dina­dasalan ng mga Esraelita ang mga sinasabi ng propeta. Para sa atin, kailangan din na­ting pag-aralan ang sinasabi ng mga propeta na itinuturo tayo sa malalim na sinasabi ng Diyos.

Pangalawa, may kakai­bang liwanag ang bituin na magtuturo sa atin kung na­saan ang kapayapaan, kato­to­hanan, pag-asa at kaligta­san. Ang bituin, ang liwanag ng ating pananampalataya na kailangan nating pangala­gaan.

Pangatlo, bibigyan tayo ng Panginoon ng tatlong pan­tas — mga taong marunong at banal na tutulungan tayong unawain ang mga tanda ng panahon (signs of the times) at ang kalooban ng Diyos upang malaman natin ang ang­kop na pagtugon at pag­kilos.

Pang-apat, hindi nababa­wasan ang sabsaban — mga dukhang tinutuluyan ng du­maraming mahihirap sa mun­do. Dumarami ang ma­tataas na gusali at subdibis­yon su­balit, higit na duma­rami ang mga mahihirap na walang sariling tahanan at nakatira lamang sa lansangan.

Panlima, ang Banal na Pamilya nina Hesus, Maria at Jose ay nananawagan sa atin na palakasin natin ang lahat ng pamilya na siyang pundasyon ng lipunan at ng Simbahan.

Pang-anim, ang Banal na Sanggol na Hesus ay nag-aan­yaya sa bawat isa na mu­ling imulat ang kanyang isip, puso at kaluluwa sa tunay kabuluhan ng buhay.

Ang karunungan ng nakaraan, ang tila nagtatago ngunit, palaging nagpapakita ng liwanag ng katotohanan na nagbibigay-direksiyon at pag-asa. Kailangan nating tumingin nang mas malalim sa loob at labas upang higit na­ting makita, marinig, ma­dama at makasalamuha ang Diyos na palaging nagpapa­laya sa ating lahat.