Hirit ni Digong | ‘LENI’, IPANGALAN SA BAGYO
NAGBIRO si Pangulong Rodrigo Duterte na dapat ipangalan ang isa sa mga bagyo kay ‘Leni’ o ‘Bernadette’ na nagkataong pangalan ng mga babaeng opisyal sa gobyerno.
Kabilang dito sina Tourism Secretary Bernadette Romulo-Puyat habang ang Leni ay maaaring si Vice-President Leni Robredo, mula sa Naga City, Camarines Sur.
Sa pagpupulong ng mga miyembro ng gabinete at lokal na opisyal kaugnay sa bagyong nanalasa sa Camarines Sur, sinabi ni Pangulong Duterte na hindi umano siya pabor na ipangalan sa isang Maranao ang bagyo.
Ani Duterte, si Randy Usman, na kapangalan ng nagdaang bagyo ay kapatid nito sa side ng Maranao. Dito na ipinasok ang birong dapat itong pangalanan na Bernadette, Leonora o Leni ngunit, pagkatapos nito ay tila bumawi ang pangulo. “Alam mo dapat ‘yung mga bagyo ‘wag niyong pangalanan ng Usman. Si Randy Usman Maranao ‘yan, eh. That is my brother in the Maranao side. Mga Bernadette ganu’n, Leonora. Si Leni. No, we should not take her name in vain,” biro ng pangulo.
Comments