PASIG, GINULAT ANG KYUSI; MUNTI, MALAKAS SA DATU CUP

NANATILING buo ang pag-asa ng Pasig sa MPBL Datu Cup nang gulan­tangin ang Quezon City habang ang Muntinlupa ay umiskor ng malaking panalo kontra Pasay City sa laro na puno ng ma­kapigil-hiningang tagpo noong Huwebes ng gabi na idinaos sa Alonte Sports Arena.

Ang binansagang worst team sa torneo na inilun­sad ni Senador Manny Pacquiao kung saan si PBA legend at dating MVP Kenneth Durem­des ang nagsilbing commissioner ay lumakas ang depensa ng Pasig at ginulat ang Quezon City tungo sa 98-95 win.

Ang panalo ang nag-angat sa Pirates upang putulin ang limang beses na pagkatalo. Bagamat ito ang ikatlo nilang panalo sa 17 laro, kaya marami pang kakaining bigas ang team, kailangang mana­lo sa mga susunod pa nilang nalala­bing laro at maka­tuntong sa top 8.

Nahablot ng Quezon City ang three-game winning streak, may 9 na talo sa may 15 laro, pero nanatiling nasa 6th spot sa pahi­rapang northern division game ng mabilis na lumalagong regional amateur basketball league sa bansa.

Lumakas ang depensa laban sa Capitals ng Pirates. Rumehistro ng league-high 13 blocks sa pamumuno ni Exuardo Doroteo sa 7 shots.

Pinasuko naman ng Muntinlupa ang Pasay City, 80-67 at pinatibay ang kapit sa 2nd spot sa southern division.

Ito ang ika-11 panalo sa 16 games ng Cagers, kung saan ang dalawang players na sina Chito Jaime at Allan Mangahas ang unang dalawang miyem­bro ng 500-point club.

Kailangan lang ng 10 puntos para pumalaot sa 500-point plateau, unang nakapagtala si Jaime at sa su­mu­nod na mi­nuto ay ang katropa na si Ma­ngahas.

Pero hindi lang sila ang may gano­ong career milestone, si Felix Apreku ay may katulad ding marka. Nagtapos ang 6-foot-4 na hardworking frontliner ng 10 puntos at 10 rebounds upang rume­histro ng league-best 14th double performance.