P-Digong, hindi raw magsosori sa ibinidang pambabastos sa maid, tsk-tsk-tsk!

PABLO L. HERNANDEZ III / PRANGKAHAN

NOON, GALIT DAW SA KORUP SI P-DU­TERTE; NGAYON, SA COA NA SIYA GALIT — Nang mau­pong pangulo si P-Du­terte, ang sabi niya ay galit daw siya sa mga korup.

Ito na ang siste, nang sunud-sunod na ibi­nul­gar last year ng Commission on Audit (COA) ang korupsiyon sa iba’t ibang sangay ng Duterte gov’t. ay hindi na sa korup galit si P-Duterte kundi sa COA na ayon sa pangu­lo dapat daw ay ihulog sa hagdanan ang mga taga-COA at saka nana­wagan sa gov’t. officials na balewalain o dedma­hin na lang daw ang ginaga­wang pag-o-audit ng mga taga-COA sa pera ng bayan na nasa ka­nilang mga tanggapan, boom!

◘◘◘

MANUGANG AT BALAE NI SEC. DIOKNO, NAGKA-P551 MILYON ‘PRO­JECT’, EH DI WOW! —Ibinulgar ni House Majority Floor Leader Camarines Sur Rep. Rolando Andaya, Jr. na P551 milyon daw ang nakopong “projects” sa Duterte gov’t. ng Are­mar Construction Corp. na pag-aari ng manugang at balae ni Budget Sec. Benjamin Diokno.

Ganu’n? Aba, shocking ‘yan kasi mahigit kalahating bilyong piso pala na pera ng bayan ang napunta sa kumpan­ya ng manugang at balae ni Diokno.

Ang nakapagtataka lang sa isyung ito, dak­dak nang dakdak si P-Du­terte na galit daw siya sa korupsiyon, pero ayaw niyang sibakin ang kanyang budget secretary na gumagawa ng kabalba­lan sa pera ng bayan, buwisit!

◘◘◘

AYAW MAG-SORRY, IBIG SABIHIN, PI­NA­NININDIGAN NI P-DUTERTE ANG IBINIDA NIYANG PAMBABASTOS SA KASAMBAHAY NILA? — Ayon kay Presidential Spokesman Salvador Panelo, wala raw plano si P-Du­terte na humingi nang paumanhin sa ibinida nito sa publiko na pambabastos niya sa kanilang kasambahay noong kabataan niya.

Kumbaga, parang sinabi na rin ni Panelo na pinaninindigan ni P-Duterte na dapat lang bastusin ang mga ka­sambahay, susmaryo­sep!

◘◘◘

ANG TAGAL NA SA BUREAU OF CUSTOMS NI COMM. GUERRERO, PERO WALA PA SIYANG NATO-’TOKHANG’ NA SMUGGLER—Mula nang maging head ng BOC, hang­gang ngayon ay wala pang nababalitang may na­timbog na smuggler ang tropa ni Comm. Ray Leonardo ‘Jagger’ Guer­rero.

Aba, Comm. Guer­re­ro, magpasiklab ka naman sa publiko, mang- "tokhang” ka naman ng mga smuggler maliban na lang kung nais mong tularan sina ex-Comm. Nicanor Faeldon at ex-Comm. Isidro Lapeña na “nganga” lang sa mga manraraket sa BOC, period!