Ikinakampanyang kandidato ‘pag natalo PATAYIN KO KAYO — DIGONG

UMAPELA si Pangu­long Rodrigo Du­terte sa mga pulitiko na hayaang ma­la­­yang makaboto ang publiko sa nalalapit na eleksiyon sa Mayo.

Sa kanyang talumpati sa birthday celebration ni Atty. Francis Tolentino, iginiit din ni Pangulong Duterte na da­pat din umanong iwasan ang mga karahasan.

“Itong mga pulitiko… I know. I’m just appealing to you. Let the people vote freely. Wala lang tayong mga… you know, ‘yung terro­rism,” ani P-Duterte.

Ayon sa pangulo, handa siyang tumulong sa pu­litiko na may maliit na tsansang manalo kung saan hindi rin siya makikianib sa parti­kular na partido.

Sinabi rin ni P-Duterte na sa mga tagilid na pulitiko na lumapit sa kanya para ito ay kanyang ma­ikampanya.

“Kung kandidato ka, tagilid ka, ‘wag mong i-te­ro­rismo. Tawagin mo ako, kampanyahan kita. Wala akong partido. Sabihin ko ‘pag hindi nanalo itong kandidato ko, patayin ko kayong lahat dito. Takutan na lang pero ‘wag mong to­tohanan,” pahayag ng pa­ngulo na chairman ng PDP-Laban Party.

Kasunod na rin ito sa nangyaring pagpaslang kay Ako Bicol Partylist Rep. Rodel Batocabe kung saan si Daraga Mayor Carlwyn Baldo ang itinuturong sus­pek sa krimen.