Asong nilagyan ng paputok at pinasabog sa bibig, nakakadurog ng puso!

RYAN B. SISON / BOSES

KUNG masaya ang karamihan sa atin sa pagsalubong sa 2019, tiyak kakaibang sakit ang naramdaman ng aso na nag-viral sa social media kung saan kitang-kita ang duguan nitong bibig matapos umanong lagyan ng paputok noong pag­salubong sa Bagong Taon.

Ayon sa post, napagtripan umano ang aspin ng mga kabataan kung saan nilag­yan ito ng piccolo sa bibig ng walang da­hilan na nagre­sulta ng pagkalagas ng kanyang mga ngipin at pagkabasag ng kanyang panga na naka­panlulumo ta­laga.

Gayunman, hindi lang ito ang unang pang­yayari na may inabuso at minal­tratong hayop tulad ng aso, pusa atbp., pero marami pa ring mga indibidwal ang tila hindi natatakot na gawin ito sa kanila.

Samantala, tulad ng tao, ang mga ha­yop ay mayroon ding damdamin at buhay kaya dapat natin silang alagaan at ituring na pamilya o kaibigan.

Bagama’t, nakalulungkot na may mga taong kayang manakit ng hayop nang basta-basta lamang, ang hiling natin ay hindi na sana maulit ang ganitong mga pangyayari.

Para makatulong tayo sa pagpapaig­ting ng proteksiyon para sa kanila, simu­lan natin sa ating sarili at maging respon­sableng pet owner tayo.

Kung gaano natin pinahahalagahan ang ating mga mahal sa buhay, gayundin natin mahalin ang ating mga alagang hayop.

Ngayon, kung patuloy natin silang sa­sak­tan ng walang dahilan, eh, mas masa­hol pa pala tayo sa hayop!

Gayundin, para sa mga kinauukulan, pro­teksiyon para sa mga hayop na pag­gala-gala, paigtingin!

STOP ANIMAL CRUELTY!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.