Ilang paraan para maiwasan ang Hepa B

SHANE M. LUDOVICE, M.D / SABI NI DOC

Dear Doc. Shane, Totoo ba na kapag ang nanay ay may HepatitisB nang manganak ay maaari nitong mahawahanang kanyang sanggol? Paano ito magagamot? — Delfa

Sagot Ang Hepatitis B ay virus na tinatamaan ang ating atay.

Makikita ang virus sa dugo, laway, semilya at reglang taong mayroon nito. Kadalasan, ang Hepatitis B ay panghabambuhay.

Nakukuha ang Hepatitis B sa 3 pagkakaton:

• Naipapasa ng ina sa kanyang anak pagkapanganak.

• Nakipagtalik o nahawa sa taong mayroon nito.

• Nasalinan ng dugong may HepatitisB.

Narito ang mga dapat gawin paramaiwasan ang pagkakaroon nito:

• Iwasan ang labis na pag-inom ng alak — ang labis na pag-inom ng alak ay nakasisira ng atay.

• Huwag basta iinom ng gamot o herbal supplements — may mga gamot na puwedeng makasira ng atay.

• Mahalaga ang healthy at clean living— kumain ng masusustansiyang pagkain at matulog ng 7-8 oras.

• Huwag abusuhin ang katawan sasigarilyo at puyat.

• Mag-ehersisyo 3-5 beses sa isang linggo.

• Huwag gumamit ng anumang gamit nila tulad ng pang-ahit, toothbrush at kutsara ng may Hepatitis B.

• Siguraduhing protektado ang partner sa Hepatitis B — ugaliing gumamit ng condom tuwing makikipagtalik. May gamot ba ang Hepatitis B? Mayroong mga gamot para sa Hepatitis B tulad ng interferon at lamivudine.

Depende sa examination ng dugo, may mga pasyenteng puwedeng matulungan ng mga gamot.

Gayunman, mahalagang magpakonsulta muna sa doktor para mabigyan ng tamang gamot.