EUSTAQUIO, DEDEPENSA NG KORONA VS. MORAES SA ONE

INANUNSIYO ng ONE Championship (ONE) ang initial na laban para sa ONE: Hero’s Ascent na idaraos saMall of Asia Arena sa Enero25 sa Manila.

Muli, ang mga pinakamahuhusay na lokal at international martial arts talent ang magpapakita ng kanilang galing sa ONE cage.

Sa main event, tampok sina reigning ONE Flyweight World Champion Geje “Gravity” Eustaquio ng Pilipinas na ipagtatanggol ang korona laban kay Adrian “Mikinho” Moraes ng Brazil sa isang makasaysayang trilogy bout.

Unang tinalo ni Moraessi Eustaquio noong Setyembre 2014, wagi sa 2nd roundsa bisa ng guillotine choke.

Napanatili ni Eustaquio ang rank para magkaroon ng rematch sa Brazilian sa sumunod na apat na taon.

Nakuha niya ang ONE Interim Flyweight World Title sa bisa ng panalo kontra Kairat Akhmetov noongEnero 2018 kaya naitakdaang title unification bout kay Moraes.

Sa isang inaabangang rematch, makapigil-hininga ang 5-round battle nina Eustaquio at Moraes pero si Gravity ang nakasungkit ng split decision victory at naging undisputed champion.

Magsasagupa sila sa isangrubber match upang malamankung sino ang karapat dapat na umangkin ng ONE Flyweight World Title.

Sa quarterfinal ng ONE Lightweight World Grand Prix, haharapin ni Team Lakay veteran Honorio “The Rock” Banario ng Pilipinas si undefeated lightweight Lowen Tynanes ng Hawaii, USA. Makasasagupa ni Team Lakay prodigy Danny “The King” Kingad ng Baguio City si Japanese veteran Tatsumitsu “The Sweeper” Wada sa pagitan ng top flyweight contenders.

Babalik naman si Muay Thai superstar Rodtang “Ironman” Jitmuangnon ng Thailand sa ONE Super Series ng Muay Thai kontra Fahdi Khaled ng Tunisia.

Ibabalik daw ni Brown Pinas ng Holland ang lupet niya sa pagpapa-knockout kontra Bangplenoi Petchyindee Academy ng Thailand.

Makasasagupa ni Elia Mahmoudi ng France si Yukinori Ogasawara ng Japan.

Haharapin ni Sung JongLee si Tang Kai ng China. Magdadaigan sina Mohammed “Jordan Boy” Bin Mahmoud at Hiroaki Suzuki ng Japan. (MC)