WATANABE, SASABAK SA WORLD JUDO CHAMPIONSHIP SA CHINA

SASALI si Olympic hopeful at Asian Games silver medalist and Southeast Asian Games queen Filipino-Japanese Kiyomi Watanabe sa World Judo Champion­ship sa Abril sa China.

Sa eksklusibong pana­yam kay Philippine Amateur Judo Association (PAJA) sec­­retary general Leo Panga­niban makikipagsabayan and 20-anyos na Tokyo-based judoka sa mga kala­ban na tulad niyang hangad na makapaglaro sa Olympics na tinatawag na world’s “grea­test sports spectacle” na pangalawang beses na ga­gawin sa Japan na ang una ay noong 1964 kung saan unang nilaro ang judo.

“Watanabe has to figure pro­minently in this tour­nament to keep her dream competing in the Olympic,” sabi ni Panganiban sa anak ng Pinay na taga-Cebu na si Irene Sarausap.

Ang torneo na gagawin sa China ay isa sa tatlong qualifying competitions sa Olympics at kailangang ma­ganda ang performance ng undisputed ruler sa South­east Asian Games at maka­paglaro sa quadrennial meet.

Hindi sinabi ni Pangani­ban kung ilang mga bansa ang kalahok sa qualifying competition sa China. Ang 63kgs. ang dibisyon na di­no­mina ni Watanabe sa South­east Asian Games mula 2013 sa Myanmar at na­panatili hang­gang 2017 sa Malaysia.

Ina­asahang muling ma­nanalo si Watanabe sa 2019 edition na gagawin sa ‘Pinas.

Nasa top 16 ranking si Wa­tanabe at kailangan ni­yang mapanatili ang kanyang ranking para makapaglaro sa Tokyo kung saan siya naka­tira.

Siyam na Pinoy ang na­kapaglaro sa Olympics at kung papalarin si Watanabe, siya ang pangalawang Fil-Jap na nakapaglaro sa Olympics, kung saan ang una ay si Vi­cente Uematsu na lumaban noong 1964 kasama sina Narzal Garcia, Thomas Ong at Bernardo Repuyan.

Sina John Baylon at Jerry Dino ang huling dala­wang Pinoy na sumabak sa Olympics noong 1992 sa Barcelona.

Malaki ang tsansa na makapaglaro si Watanabe sa Olympics dahil may natata­nging galing, talino at mala­wak ang karanasan na luma­hok sa maraming internatio­nal judo competitions kasa­ma ang World Grandslam sa Paris, France na nanalo ng tanso at sa World Judo sa Austria at Budapest, Hun­gary bukod sa Asian Games, Asian Judo at SEA Games.

Si Watanabe ay kasama sa priority athletes ng Philip­pine Sports Commission.