VAT sa presyo ng lahat ng gamot, tanggalin na!

KA AMBO / BISTADO

MARAMI ang nag­ka­kasakit ngayong unang linggo ng 2019.

Dahil ‘yan sa pag­babago ng panahon!

◘◘◘

SA kabila ng batas sa cheaper medicine, mataas pa rin ang halaga ng mga gamot.

Hindi pa rin ito kaya ng ordinaryong ma­ma­mayan!

◘◘◘

INIREREKOMENDA ni Gov. Imee Marcos na tanggalin ang VAT sa presyo ng lahat ng gamot.

‘Yan ang malaking tama!

◘◘◘

TAMA lang na irebyu o amyendahan ang Cheaper Medicine Act.

Kung aalisin ang VAT, bababa ang presyo ng mga gamot sa botika!

◘◘◘

AYON kay Gov. Imee, nagkakamal pa rin ang pharmaceutical companies dahil sa sobrang taas ng presyo ng gamot.

Marami ring nag­darahop, ang namatay nang hindi nakatiti­kim ng gamot!

◘◘◘

PERO, ang mataas na presyo ng gamot ay dahil din sa buwis na ipinapataw ng gobyerno.

Kung seryoso ang gobyerno na saklolo­han ang hanay ng mga nagdarahop, tama lang na tanggalin ang VAT!

◘◘◘

DIREKTANG desis­yon ‘yan ng gobyerno at direktang makatutulong sa mamamayan, lalo na sa mga mahihirap na mamamayan.

Bakit kinakailangang parusahan ng buwis ang mamamayang nagkaka­sakit?

Sentido-komon lang ‘yan!

◘◘◘

MATAAS pa rin ang presyo ng mga gamot sa mga grabeng sakit at pangmatagalang karam­daman.

Tatanggalin ang VAT sa gamot laban sa diabetes, kolesterol at hypertension batay sa TRAIN Law 2.

Pero, dapat lahat ng gamot ay tanggalan ng VAT.

‘Yan ang tunay na makatutulong sa or­di­­naryong mama­ma­yan!