EMBIID IPINAHIYA ANG CLIPPERS, NIKOLA JOKIC GINIBA ANG KNICKS

PINE-PRESSURE ni Los Angeles Clippers center Marcin Gortat (13) si Philadelphia 76ers center Joel Embiid (21) habang dumadrayb tungo sa basket sa second half game na ito sa Staples Center sa NBA game kahapon. (TODAY Sports/Reuters)

NAGBALIK na si Joel Embiid matapos na hindi makalaro dahil sa namamagang kaliwang tuhod at nakatipon ng 28 points at 19 rebounds upang bitbitin ang bisitang Philadelphia 76ers sa bisa ng 119-113 win laban sa Los Angeles Clippers sa NBA game kahapon.

Si Embiid, ang team’s leading scorer (26.5 points per game) at rebounder (13.3 boards per game), na hindi nakalaro sa 129-95 road loss ng Sixers laban sa Portland Trail Blazers noong Linggo.

Umiskor ng 16 sa first half si JJ Redick, na may four seasons sa Clippers para sa 76ers (24-14), na kumamada ng season-high 10 games ng ika-4 na beses nitong season. Tumabo si Jimmy Butler ng 16 points, may 14 points si Ben Simmons, 9 rebounds at eight assists.

Nakapaglaro si Lou Williams, na na-draft bilang 45th overall ng Philadelphia noong 2005 sa unang seven seasons sa 76ers at umiskor ng 22 points para sa Clippers pero natalo ng apat na beses laban sa Philadelphia.

Humalibas sina Danilo Gallinari at Tobias Harris ng tig-21 points habang sina Montrezl Harrell ay may 20 points at 10 rebounds para sa Los Angeles.

Sa iba pang laro, may nagawang 19 puntos si Nikola Jokic, 15 assists at 14 rebounds, umiskor si Malik Beasley ng career-high 23 points, nang gibain ng host Denver Nuggets ang New York Knicks 115-108.

Nasungkit ni Jokic ang ikatlong triple-double ngayong season at ika-19 sa kanyang career.

Umiskor si Paul Millsap ng 16 points sa kanyang second game na napilayan pa sa daliri sa paa bago natulungan ang Nuggets sa ikatlong diretsong panalo.

Si Luke Kornet ay may 19 points, si Kevin Knox ay may 18 at si Enes Kanter ay may 17 para sa Knicks na natalo ng walong sunod na beses. Tumapos si Emmanuel Mudiay ng 15 points sa first game niya sa Denver mula nang mai-trade siya ng Nuggets sa New York Knicks ng nakaraang season. (MC)