Driver todas sa aksidente

PANGASINAN—Isang driver ang namatay at sugatan ang tatlo nitong kasama nang aksidenteng bumangga sa puno ang sinasakyan nilang behikulo, kamakalawa sa Bgy. Bacabac, Bugallon sa lalawigang ito.

Nakilala ang nasawi na si Jonaven Pabondia, samantalang, ang mga sugatan ay ang dalawa ni­tong kapamilya na sina Arnulfo Pabondia, Arjay Pabondia at Gina Lorico.

Ayon sa ulat, nawalan umano ng kontrol si Jonaven sa pagmamaneho kaya aksidenteng bumangga ang kinalululanan nilang sasakyan sa puno sa naturang barangay.

Dinala pa ng mga saksi ang mga biktima sa ospital, pero idineklarang dead-on-arrival si Jonaven.