P-Duterte, imbes atupagin ang mga binagyo at nilindol, busy na naman sa kababanat sa Simbahan, tsk-t

PABLO L. HERNANDEZ III / PRANGKAHAN

IMBES ALAMIN ANG KALAGAYAN NG MGA NILINDOL AT BINA­HA, PANG-AA­LI­PUS­TA SA MGA KATOLI­KO AT DIYOS ANG INA­­TU­PAG NI P-DUTER­TE — Inatake na na­man ni P-Duterte ang mga Katoliko at ang Diyos, nang sabihin niya sa harap ng mga residente ng Kidapawan City na wala raw sa pag-iisip ang mga Katoliko dahil nagdarasal daw sa Diyos, nagdarasal pa raw sa mga santong “yawa” at ang Diyos daw, hindi dapat kabiliban kasi ipinako na raw ito sa krus.

Pambihirang pangulo ito, imbes na alamin ang sitwas­yon ng mga resi­den­te na nilindol sa ilang lalawigan at siyudad sa Mindanao at ang mga binaha dulot ng Bagyong Usman sa ilang probinsiya sa Eastern Visayas, Bicol Region at Southern Tagalog Region, eh, ang na­pagdiski­tahan ay alipus­tahin na naman ang mga Katoliko at ang Diyos, tsk-tsk-tsk!

◘◘◘

PAMBABASTOS SA KANILANG MAID, IBI­NIDA PA NI P-DU­­TERTE — Ibinida rin ni P-Du­terte sa mga taga-Kidapawan City na noong kabataan daw niya ay binosohan at tinangka rin daw niyang molestiyahin at ipasok ang kanyang daliri sa ari ng kanilang kasambahay noon.

Kung joke ni P-Du­terte ‘yan ay hindi magan­dang joke ‘yan kasi ang kasambahay ay dapat iginagalang at tinatra­tong kapamilya at hindi bina­bastos, period!

◘◘◘

DAPAT PA BANG I-MEMORIZE, BAKIT MARAMING RAPE CASE SA DAVAO CITY? —Sa lahat ng mga naging pangulo, si P-Du­terte ang madalas mam­bastos ng kaba­baihan, mang-rape joke at ang latest, ibinibida niya ang gina­wa niya sa kanilang ka­sam­bahay noong ka­bataan niya.

Sa mga isyung ‘yan, eh, dapat pa bang i-memorize kung bakit number 1 sa rape case ang Davao City.

Hindi fake news ‘yan, ha, kasi ang nagsabi niyan ay si PNP Spokesman C/Supt. Benigno Durana, base raw ‘yan sa data ng PNP-Directorate for Investigation and Detective Management (DIDM), boom!

◘◘◘

HAPPY NEW YEAR SA LAHAT NG MGA SUMUSUPORTA SA PAHAYAGANG BUL­GAR AT BULGAR ON­LINE—Mamayang pag­sapit ng 12:00 a.m. ay 2019 na.

Kaya sa lahat ng mga mambabasa ng pahaya­gang BULGAR at mga nakasu­baybay sa BUL­GAR online, Happy New Year sa ating lahat!